ყვარლის მუნიციპალიტეტის მერი გივი ზაუტაშვილი, მოადგილეებთან და ადგილობრივი თვითმმართველობის წარმომადგენლებთან ერთად, სოფლებში – წიწკანაანთსერში, საბუესა და გრემში – შიდა გზების მიმდინარე სარეაბილიტაციო სამუშაოებს გაეცნო.
სოფელ წიწკანაათსერში პირველ უბანზე დაგეგმილია 1185 მეტრი ასფალტის საფარის მოწყობა რკინა-ბეტონის კიუვეტებით. სამუშაოების ღირებულება 557 829 ლარია.
ასევე, საბუეში “ფიქალებთან” მისასვლელ გზაზე დაიგება 1 384 მეტრი ასფალტის საფარი რკინა-ბეტონის კიუვეტებით. პროექტის ღირებულება 501 910 ლარს შეადგენს.
ორივე პროექტი 2026 წელს დასრულდება.
სოფელ გრემში სასაფლაოსთან მისასვლელ გზაზე კი 972 მეტრი ასფალტი მოეწყობა რკინა-ბეტონის კიუვეტებით. სამუშაოების ღირებულება 366 698 ლარია.
პროექტები რეგიონებში განსახორციელებელი პროექტების ფონდიდან ფინანსდება.
