ლაგოდეხში საკანალიზაციო ჭის გათხრისას ქვევრი იპოვეს

„უკვე შებინდებული იყო ტექნიკა რომ მუშაობდა. დღის სინათლე, რომ ყოფილიყო ალბათ ქვევრი არ დაიმტვრეოდა. შესაბამის სამსახურებს გავაგებინეთ, მოვიდნენ ნახეს და გვითხრეს, რომ რამდენიმე დღეში ადგილზე სპეციალისტები მოვლენ; დეტალურად შეისწავლიანო. ვარაუდობენ, რომ ეს უნდა იყოს ადრე ფეოდალური ხანის პერიოდის”,-  აცხადებენ ბერიაშვილები.

როგორც ლაგოდეხის მხარეთმცოდნეობის მუზეუმის ხელმძღვანელმა, დავით ყვავაძემ განაცხადა, ქვევრის ნამტვრევებს შემდგომი შესწავლისთვის შეაგროვებენ. ყვავაძე ამ ეტაპზე, დაზუსტებით ვერ ამბობს, ქვევრის დამზადების სავარაუდო თარიღს.

შესწავლის შემდეგ ქვევრს მხარეთმცოდნეობის მუზეუმში გადაიტანენ.