9 აპრილის გმირის ზაირა კიკვიძის სახლი თელავში დანგრევის პირასაა
ალბათ ყველა თელაველი ამაყობს რომ, ქალაქის ერთ მოკრძალებულ უბანში, არის ქუჩა- რომელიც 9 აპრილს დაღუპული გმირის, თელაველი ზაირა კიკვიძის სახელს ატარებს.
ამავე ქუჩაზეა საუკუნეზე მეტი ხნის ნაგებობა, რომელიც ქისტ განმანათლებელ, მათე ალბუთაშვილსა და მის შთამომავალს, 9 აპრილს დაღუპულ გმირს, ზაირა კიკვიძეს ეკუთვნოდა.
თუ რამდენად საამაყოა, რომ სახლი- რომელიც გმირის სახელთან ასოცირდება, დანგრევის პირასაა, თქვენთვის მოგვინდია, ფაქტი კი ისაა, რომ მეცხრამეტე საუკუნის მეორე ნახევრით დათარიღებული შენობა, დღესაც ნახევრად დანგრეულია.
1989 წლის 9 აპრილს გარდაცვლილი ზაირა კიკვიძე, მათე ალბუთაშვილის შვილიშვილის- ალექსანდრე ალბუთაშვილის მეუღლე, ტიციან ტაბიძის დისშვილი და ისტორიკოს აბელ კიკვიძის ქალიშვილი იყო.
ნახევრად ჩამონგრეულ შენობაში, „ქისტი ჩობანის“ ფსევდონიმით ცნობილი მათე ალბუთაშვილი სიცოცხლის ბოლო წლებში, მეოცე საუკუნის 50-იან წლებამდე ცხოვრობდა.
შენობა მეცხრამეტე საუკუნის მეორე ნახევრით თარიღდება.
კულტურული მემკვიდრეობის ძეგლის სტატუსი, მას, 1958 წლის, თელავის პირველი გენერალური გეგმის დამტკიცების შემდეგ მიენიჭა.
