გურჯაანის მუნიციპალიტეტის მერი, გიორგი მაჭავარიანი და მერის პირველი მოადგილე ლერი გელენავა, კრივში საქართველოს ჩემპიონს ჯული ცინაძეს და მის მწვრთნელს გიორგი ელიკაშვილს შეხვდნენ.
14 წლის გურჯაანელმა მოკრივემ ჯული ცინაძემ, 20-25 თებერვალს, ქალაქ მარნეულში გამართულ საქართველოს მოკრივეთა ეროვნულ ჩემპიონატზე, ყველა მეტოქე დამაჯერებლად დაამარცხა და ოქროს მედლის მფლობელი გახდა.
ადგილობრივი ხელისუფლების წარმომადგენლებმა ჯული ცინაძეს მოპოვებული საქართველოს ჩემპიონობა მიულოცეს და მომავალი წარმატებები უსურვეს.
