ხვალ აღმოსავლეთ საქართველოს მაღალმთიან რაიონებში მოსალოდნელია ძლიერი თოვა

6 დეკემბერს დღის მეორე ნახევრიდან 7 დეკემბრის დილამდე, აღმოსავლეთ საქართველოს ჩრდილო-მაღალმთიან რაიონებში მოსალოდნელია ძლიერი თოვა, შესაძლებელია თოვლის ზვავები, ნისლი და ქარბუქი, – ამის შესახებ ინფორმაციას გარემოს ეროვნული სააგენტო ავრცელებს.

მათივე ინფორმაციით, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.