დღის ამბებიეკონომიკა
2024 წელს მუნიციპალური ინფრასტრუქტურის მშენებლობა-რეაბილიტაციისთვის 1,7 მილიარდი ლარია გათვალისწინებული
2024 წლის ბიუჯეტის პროექტის გადამუშავებული ვერსიის წარდგენისას ფინანსთა მინისტრმა, ლაშა ხუციშვილმა ისაუბრა მუნიციპალური ინფრასტრუქტურის მშენებლობა-რეაბილიტაციაზე მიმართულ თანხებზე.
როგორც მან აღნიშნა, 2024 წელს მუნიციპალური ინფრასტრუქტურის მშენებლობა-რეაბილიტაციაზე მიიმართება 1,7 მილიარდი ლარი, მათ შორის, სახელმწიფო ბიუჯეტიდან 1.3 მილიარდი ლარი, ხოლო მუნიციპალიტეტების საკუთარი შემოსავლებიდან დაფინანსდება 450 მლნ ლარის პროექტები, მათ შორის:
- რეგიონებში განსახორციელებელი პროექტების ფონდში გათვალისწინებულია 450 მლნ ლარი;
- თბილისის კაპიტალური პროექტების დაფინანსებაზე მიიმართება 539 მლნ ლარი;
- მუნიციპალური განვითარების ფონდის მიერ პროექტებზე მიიმართება 266 მლნ ლარი;
- მაღალმთიანი დასახლებების ფონდის ფარგლებში, კი მიიმართება 20 მლნ ლარი.
