ოქტომბერში მხოლოდ ბოსტნეული და ხილი გაიაფდა – 10 პროდუქტი, რომელზეც ფასი შემცირდა

2022 წლის ოქტომბერში წინა თვესთან შედარებით ინფლაციის დონემ საქართველოში 0.5%, ხოლო წლიური ინფლაციის დონემ 10.6 % შეადგინა.

რაც შეეხება საბაზო ინფლაციას, აღნიშნულმა მაჩვენებელმა 2022 წლის ოქტომბერში, გასული წლის შესაბამის პერიოდთან შედარებით 7.3% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი ასევე 7.3 %-ით განისაზღვრა.

გთავაზობთ იმ 10 პროდუქტის ჩამოათვალს, რომელიც გასულ თვეში წინა წლის ანალოგიურ პერიოდთან შედარებით ყველაზე მეტად გაიაფდა:

პომიდორი – 23.9%-ით

კიტრი – 23%-ით

ქლიავი – 22.9%-ით

მწვანილი – 20%-ით

კივი – 19.3%-ით

კომბოსტო 17.5%-ით

ფორთოხალი – 12.7%-ით

ბადრიჯანი – 10.8%-ით

ჭარხალი – 9.5%-ით

სტაფილო – 4%-ით

ინფორმაციისთვის, პომიდორი, კომბოსტო, ჭარხალი და სხვა პროდუქტი, რაზეც მიმდინარე წლის ოქტომბერში ფასები ყველაზე მეტად შემცირდა, 2021 წელს ყველაზე გაძვირებულ პროდუქტებს შორის იყო. კერძოდ, საქსტატის დეკემბრის მონაცემებით, 117,3%-ით იყო გაზრდილი ფასი პომიდორზე, 89,3%-ით კომბოსტოზე, 56,2%-ით ჭარხალზე და ა.შ.