საქართველოს 10 უმსხვილესი საექსპორტო და საიმპორტო პროდუქტი

საქართველოს სტატისტიკის ეროვნული სამსახურის მონაცემებით, 2022 წლის იანვარ-ივლისში ქვეყანაში ექსპორტი 36.4%-ით გაიზარდა გასული წლის ანალოგიურ პერიოდთან შედარებით და 3.1 მლრდ აშშ დოლარი შეადგინა, იმპორტმა კი 34.8%-ით მოიმატა და 7.09 მლრდ აშშ დოლარს მიაღწია.

მთლიანად საქონლით საგარეო სავაჭრო ბრუნვამ 10.19 მლრდ აშშ დოლარი შეადგინა, რაც წინა წლის შესაბამის პერიოდთან შედარებით 35.3% მეტია.

სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 621 მლნ აშშ დოლარით, რაც მთელი ექსპორტის 20%-ს შეადგენს. მეორე ადგილს იკავებს მსუბუქი ავტომობილები 370.8 მლნ აშშ დოლარით (მთლიანი ექსპორტის 12%), ხოლო მესამე ადგილზეა ფეროშენადნობები 354.3 მლნ აშშ დოლარით (11.4%).

უმსხვილესი საექსპორტო საქონლის ათეული შემდეგნაირად გამოიყურება:

სპილენძის მადნები და კონცენტრატები;

მსუბუქი ავტომობილები;

ფეროშენადნობები;

აზოტოვანი სასუქები;

ყურძნის ნატურალური ღვინოები;

სპირტიანი სასმელები;

ელექტროენერგია;

სამკურნალო საშუალებები დაფასოებული;

მინერალური და მტკნარი წყლები;

ტრიკოტაჟის ნაწარმი.

უმსხვილესი საიმპორტო სასაქონლო ჯგუფი კი წარმოდგენილი იყო მსუბუქი ავტომობილების სახით, რომლის იმპორტმა 759.7 მლნ აშშ დოლარი და მთელი იმპორტის 10.7% შეადგინა. მეორე ადგილს იკავებდა ნავთობი და ნავთობპროდუქტები 718.8 მლნ აშშ დოლარით (იმპორტის 10.1%), ხოლო მესამე ადგილზეა სპილენძის მადნები და კონცენტრატები 490.9 მლნ აშშ დოლარით (იმპორტის 6.9%).

წელს უმსხვილესი 10 საიმპორტო საქონლის ჩამონათვალი შემდეგნაირია:

მსუბუქი ავტომობილები;

ნავთობი და ნავთობპროდუქტები;

სპილენძის მადნები და კონცენტრატები;

ნავთობის აირები და სხვა აირისებრი ნახშირწყალბადები;

სამკურნალო საშუალებები დაფასოებული;

სატელეფონო აპარატები;

გამომთვლელი მანქანები და მათი ბლოკები;

წნელები ნახშირბადიანი ფოლადისაგან.

ბულდოზერები, ავტოგრეიდერები, ექსკავატორები, სატკეპნი მანქანები

სატვირთო ავტომობილები