რა მოცულობის ვალი აქვს საქართველოს?

ივნისში საქართველო საგარეო ვალი დოლარში გაიზარდა, თუმცა ლარის გამყარების გამო ლარში კონვერტაციის შემთხვევაში ვალი შემცირებულია.

ფინანსთა სამინისტროს მონაცემებით, 1 ივლისისთვის საქართველოს უცხოელი კრედიტორების მიმართ 23.15 მლრდ ლარის, ანუ 7.83 მლრდ დოლარის ვალი ჰქონდა. აქედან, უშუალოდ მთავრობის ვალი 7. 46 მლრდ დოლარია.  ბოლო 1 თვეში ვალის მოცულობა ლარში 180 მლნ ლარით შემცირდა, თუმცა დოლარში 7.8 მილიონით გაიზარდა.

გაზრდილია საშინაო ვალიც. სახელმწიფოს შიდა ბაზრიდან 6.2 მლრდ ლარი აქვს ნასესხები, ბოლო 1 თვეში ვალის პორტფელის ზრდა 146.9 მლნ ლარს აღწევს.

მთლიანობაში სახელმწიფოს შიდა და უცხოელი კრედიტოების წინაშე 29.36 მლრდ ლარის ვალი აქვს გასასტუმრებელი.