Chevron, Google და Sumitomo თერმობირთვული რეაქტორის შექმნაში 250 მლნ დოლარს დებენ

ამერიკული ნავთობგაზის კომპანია Chevron, ასევე ამერიკული ტექნოლოგიური კომპანია Google და იაპონური Sumitomo Corporation-ი, 250 მლნ დოლარს დებენ კალიფორნიაში კვლევით, თერმობირთვულ რეაქტორზე მომუშავე კომპანია TAE Technologies-ში. ამის შესახებ გაზეთი Financial Times-ი წერს.

კომპანია TAE Technologies დაკავებულია ინოვაციური თერმობირთვული სინთეზის ტექნოლოგიით და მიზნად აქვს დასახული სასურველ შედეგს 2030 წლისთვის მიაღწიოს.

„პირველი კომპანია, რომელიც მოიპოვებს წვდომას სუფთა ენერგიაზე, გარკვეულწილად განსაზღვრავს ამ დარგის მომავალს,“ – განაცხადა კალიფორნიული კომპანიის მარკეტინგის ხელმძღვანელმა ჯიმ მაკნილმა.

Chevron-ის პრეზიდენტის ჯიმ გეიბლის განცხადებით კი, თერმობირთვული ტექნოლოგია პოტენციურად შესაძლოა, გახდეს „საკვანძო ფაქტორი ენერგეტიკულ სტაბილურობაში“.

TAE Technologies-ის მიერ მოზიდულმა ჯამურმა დაფინანსებამ 1,2 მლრდ დოლარი შეადგინა.