კვირის covid-სტატისტიკა: ინფიცირების 1 058 შემთხვევა გამოვლინდა, გარდაიცვალა ორი ადამიანი

გასული კვირის განმავლობაში, ქვეყანაში კორონავირუსით ინფიცირების 1 058 დადასტურებული ახალი შემთხვევა გამოვლინდა.

დაავადებათა კონტროლის ეროვნული ცენტრის მიერ განახლებული სტატისტიკის მიხედვით, ამ პერიოდში ყველაზე მეტი შემთხვევა – 770 თბილისში გამოვლინდა, 73 – იმერეთში, 62 – აჭარაში, 52 -სამეგრელო-ზემო სვანეთში, 25 – კახეთში, 24 – გურიაში, 22 ქვემო ქართლში, 14 – მცხეთა-მთიანეთში, 9 – შიდა ქართლში, 6 – სამცხე ჯავახეთში და 1 ინფიცირების შემთხვევა რაჭა-ლეჩხუმ-ქვემო სვანეთში. დღეისთვის ქვეყნის მასშტაბით 1 086 აქტიური შემთხვევა ფიქსირდება.

20-დან 26 ივნისის პერიოდში ვირუსისგან 646 ინფიცირებული გამოჯანმრთელდა. 2 ადამიანი კი გარდაიცვალა.

ამ პერიოდში სულ 63 404 ტესტი ( 57 457 ანტიგენ ტესტი, 5 847 პჯრ ტესტი ) ჩატარდა. უპირატესად ცირკულირებს და დომინანტია ომიკრონის B.A.2 შტამი. 7-დღიანი ტესტირების დადებითობის მაჩვენებელია-1.67%“, – აღნიშნულია NCDC-ის მიერ გავრცელებულ სტატისტიკაში.