სპორტი

„ბორჯღალოსნები“ ნიდერლანდებს 12 თებერვალს დაუპირისპირდებიან – რა შემადგენლობით ითამაშებს საქართველო

0

ბორჯღალოსნების გაფართოებულ შემადგენლობას, ნიდერლანდებთან მატჩის წინ რამდენიმე მოთამაშე დაუბრუნდა, რომლებიც გუნდს გასულ კვირაში კოვიდინფექციის გამო დააკლდნენ. დაბრუნებულთა შორისაა სამივე კვაჭი – შალვა მამუკაშვილი, ჯაბა ბრეგვაძე და გიორგი ჭყოიძე, ასევე მესამეხაზელები გიორგი ცუცქირიძე და ლუკა ივანიშვილი.

პორტუგალიასთან დაშავდა და მომავალ შეხვედრას გამოტოვებს ბურჯი ბექა გიგაშვილი. მის ნაცვლად სამწვრთნელო შტაბმა ნიკოლოზ ხატიაშვილს უხმო, რომელსაც ბორჯღალოსნების კვართით აქამდე 6-ჯერ უთამაშია, ბოლოს 2021 წლის ზაფხულში მსოფლიოს ჩემპიონ სამხრეთ აფრიკასთან.

გუნდი 12 თებერვალს, საქართველოს დროით 16:15 საათზე ნიდერლანდებს ამსტერდამში ეთამაშება. აქამდე ამ გუნდებს შორის ხუთი შეხვედრა გაიმართა პირველი, შორეულ 1995 წელს მასპინძლების გამარჯვებით დასრულდა – 3:55. მას შემდეგ ნიდერლანდებს ოთხივეჯერ ვაჯობეთ – 2000-2002 წლებში 41:6, 32:3 და 88:0, ხოლო შარშან ზაფხულში, თელავში 48:15.

გაფართოებული შემადგენლობა ნიდერლანდებთან

შერკინება

ბურჯები: გურამ გოგიჩაშვილი (რასინგ 92, 26 კეპი, 10 ქულა), მიხეილ ნარიაშვილი (მონპელიე, 68 კეპი, 10 ქულა), ნიკა აბულაძე (შავი ლომი, უკეპო), ლუკა ჯაფარიძე (ბრივი, 4 კეპი), ნიკოლოზ ხატიაშვილი (შავი ლომი, 6 კეპი), გურამ პაპიძე (ლა როშელიუკეპო);

კვაჭები: შალვა მამუკაშვილი (შავი ლომი, 85 კეპი, 55 ქულა), ჯაბა ბრეგვაძე (აჟენი, 67 კეპი, 25 ქულა), გიორგი ჭყოიძე (ლოკომოტივ-პენზა, 19 კეპი, 5 ქულა);

მეორე ხაზი: ლაშა ჯაიანი (შავი ლომი, 13 კეპი), ნოდარ ჭეიშვილი (შავი ლომი, 34 კეპი), გრიგორ ქერდიყოშვილი (აჟენი, 8 კეპი, 10 ქულა), გიორგი ჯავახია (ორიაკი, 7 კეპი, 5 ქულა);

მესამე ხაზი: გიორგი ცუცქირიძე (ორიაკი, 23 კეპი, 15 ქულა), თორნიკე ჯალაღონია (ბიარიცი, 13 კეპი, 15 ქულა), ოთარ გიორგაძე (ბრივი, 30 კეპი, 25 ქულა), ლუკა ივანიშვილი (შავი ლომი, უკეპო), სანდრო მამამთავრიშვილი (შავი ლომი, 1 კეპი);

ხაზი

ღერძი: ვასილ ლობჟანიძე (ბრივი, 61 კეპი, 55 ქულა), გელა აფრასიძე (მონპელიე, 36 კეპი, 24 ქულა), მიხეილ ალანია (ორიაკი, 6 კეპი), თედო აბჟანდაძე (ბრივი, 29 კეპი, 198 ქულა), გიორგი ბაბუნაშვილი (შავი ლომი, 4 კეპი, 9 ქულა), ლუკა მატკავა (უკეპო);

ცენტრები, ფრთები და 15: მერაბ შარიქაძე (შავი ლომი, 81 კეპი, 60 ქულა), აკა ტაბუცაძე (შავი ლომი, 16 კეპი, 65 ქულა), დემე თაფლაძე (შავი ლომი, 13 კეპი, 5 ქულა), ლაშა ლომიძე (შავი ლომი, 2 კეპი), მირიან მოდებაძე (შავი ლომი, 17 კეპი, 35 ქულა), თორნიკე კახოიძე (ლელო, უკეპო), დავით მესხი (ენისეი, 1 კეპი), ლაშა ხმალაძე (შავი ლომი, 89 კეპი, 53 ქულა).

მატჩის პირდაპირ რეპორტაჟს, ტრადიციულად, ტელეკომპანია „იმედი“ შემოგთავაზებთ.

მეტი

მსგავსი სიახლეები

Close