სმიტების ოჯახის მკვლელობაში ბრალდებული, ფსიქიკურად ჯანმრთელია

ცნობილია სამედიცინო ექსპერტიზის დასკვნა, სადაც ნათქვამია, რომ ხადას ხეობაში მომხდარ სასტიკ მკვლელობაში ბრალდებული ჯანმრთელია და ფსიქიკური პრობლემები არ აღენიშნება.

სმიტების ოჯახის მკვლელობაში ბრალდებულის ადვოკატი აღმკვეთი ღონისძიების შეცვლას ითხოვს. შუამდგომლობას მალხაზ კობაურის ადვოკატი დღევანდელ სასამართლო პროცესზე დააყენებს.

სმიტების ოჯახი ხადას ხეობაში 9 ივლისს მოკლეს. 20 წლის მწყემსის წინააღმდეგ საქმე განსაკუთრებული სისასტიკით, სხვა დანაშაულის დაფარვის მიზნით, არასრულწლოვნის და ორი პირის განზრახ მკვლელობას გულისხმობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
[ditty_news_ticker id=”1734″]