Daily Archives: 06/02/2020

100 წლის ბებო კაჭრეთიდან

გურჯაანის მუნიციპალიტეტის სოფელ კაჭრეთში მცხოვრებ ნინა რამაზაშვილს დღეს 100 წელი შეუსრულდა. ნინა რამაზაშვილს ჰყავს 3 შვილი, 5 შვილიშვილი და 5 შვილთაშვილი.

გურჯაანის მერმა, არჩილ ხანდამაშვილმა და კაჭრეთში მერიის წარმომადგენლებმა ნინა რამაზაშვილს დაბადების დღე მიულოცეს და საჩუქრები გადასცეს.

თელავის მუნიციპალიტეტის სოფ. ფშაველში სასაფლაოს ხანძარი გაუჩნდა

ადგილობრივების ინფორმაციით ცეცხლი სასაფლაოს ტერიტორიის დიდ ნაწილზე იყო გავრცელებული და ამჟამად ხანძარი ლიკვიდირებულია.

,, ცეცხლი ძირითადად ხმელ ბალახს ეკიდა, მაგრამ სწრაფად გავრცელდა და გაიმურა საფლავის ქვები, დაზიანდა ხის სკამები და მაგიდები, რომელიც საფლავებთან იდგა.
საბედნიეროდ სახანძრომ იქამდე ჩააქრო, ვიდრე ეკლესიაზე გადავიდოდა” განაცხადა ერთ- ერთმა ადგილობრივმა.

ხანძრის გამომწვევ მიზეზად დაუდევრობა სახელდება.

პანკისში მომხდარ მკლელობაში ბრალდებულების პროცესი გაიმართა

თელავის რაიონულ სასამართლში პანკისში მომხდარ მკლელობაში ბრალდებულების : არბი ქავთარაშვილისა და რუსლან ხანგოშვილის პროცესი საქმის არსებითი განხილვით განახლდა. პროცესზე მხარეები შესავალი სიტყვით წარსდგნენ. სხდომაზე დაცვის მხარემ შუამდგომლობა დააყენა, რომელიც ორი მიტკიცებულების უდაოდ ცნობას ეხებოდა. ესენია: რუსლან ხანგოშვილის საქმეში ნერწყვის ნიმუშისა და ხელის კვალის ნიმუშის ოქმი. ადვოკატის ეს მოთხოვნა მოსამარლემ დააკმაყოფილა.

მომდევნო სასამართლო სხდომა 13 თებერვალს , 15:00 საათზე ჩაინიშნა. პროცესი მტკიცებულებების გამოკვლევით დაიწყება.

 

გვარებს შორის დაპირისპირება პანკისის ხეობის სოფელ ბირკიანთ 2019 წლის 27 ნოემბერს მოხდა. ორმხრივი სროლის დროს 37 წლის ვისო მუთოშვილი ადგილზე გარდაიცვალა, ორი მამაკაცი კი მძიმედ დაიჭრა.

 

სოფელ ანაგაში, ხევში გაწმენდითი სამუშაოების დროს ერთი მუშა დაშავდა

სიღნაღის მუნიციპალიტეტის სოფელ ანაგაში, ხევში გაწმენდითი სამუშაოების დროს ერთი მუშა დაშავდა. შემთხვევა გუშინ მოხდა.

MAK.GE-ის ინფორმაციით, კაცს სიმაღლიდან გადმოვარდნის შედეგად ხერხემალი დაუზიანდა, აქვს სხეულის მრავლობითი მოტეხილობა. დაშავებული ჯერ წნორის “არქიმედეს” კლინიკაში გადაიყვანეს, შემდეგ კი რეანომობილით თბილისში.

ამ ეტაპზე პაციენტის ჯანმრთელობის მდგომარეობა სტაბილურად მძიმეა.

გურჯაანის საბიბლიოთეკო და სამუზეუმო გაერთიანების ხელმძღანელი თანამდებობას ტოვებს

გურჯაანის საბიბლიოთეკო და სამუზეუმო გაერთიანების ხელმძღანელი სამსახურიდან მიდის. სალომე ბოგვერაძე ამჟამად შვებულებაში იმყოფებოდა, რის შემდეგაც თანამდებობას დატოვებს.

გავრცელებული ინფორმარციით, მისი სამსახურიდან წასვლის მიზეზი თანამშრომლებთან კონფლიქტი სახელდება, რის გამოც წასვლის შესახებ გადაწყვეტილება რამდენიმე დღის წინ თავად მიიღო. სატელეფონო საუბარაში სალომე ბოგვერაძე ინფორმაციას არც ადასტურებს და არც უარყოფს. მხოლოდ იმას ამბობს, რომ შვეულებაში იმყოფება და ამ საკითხზე განცხადებას მოგვიანებით გააკეთებს.

ბოგვერაძე გურჯაანის საბიბლიოთეკო და სამუზეუმო გაერთიანებას 2018 წლიდან ხელმძღვანელობდა. ვინ იქნება ბოგვერაძეს შემცვლელი ჯერჯერობით უცნობია.

ფოტო: ნათია ბოგვერაძე