Daily Archives: 04/02/2020

დაპირისპირება ბოტკოველსა და ხუბუტიას შორის

“ნაციონალური მოძრაობის” ერთ- ერთი ლიდერის გიორგი ბოტკოველსა და რუსეთში მოღვაწე ქართველ ბიზნესმენს შორის სიტყვიერი დაპირისპირება სოფელ ნაფარეულში მოხდა. მათ შორის შელაპარაკება იმ დროს დაიწყო, როცა ოპოზიციონერმა ბიზნესმენს მოღალატე უწოდა. ბოტკოველი ხუბუტიას მიერ შეძენილი მიწის ნაკვეთებს გასაპროტესტებლად მის კურთვნილ ტერიტორიაზე ჩავიდა , სადაც მიხეილ ხუბუტია ადგილზე დახვდა. გიორგი ბოტკოველი კახეთში რუსული ძალების გააქტიურებაზე საუბრობს და მაგალითისთვის ბიზნესმენის მიერ სასოფლო- სამეურნე ნაკვეთებს შეძენეას ასახელებს.

ლაგოდეხის საავადმყოფოს ეზოში შველი შენიშნეს

ლაგოდეხის საავადმყოფოს ეზოში შველი შენიშნეს.თვითმხილველების თქმით, შველი ეზოდან გასასვლელს ვერ პოულობდა და ღობეს ეჯახებოდა.

ადგილობრივებმა ინფორმაცია ლაგოდეხის დაცული ტერიტორიების რეინჯერებს მიაწოდეს, რის შემდეგადაც შველი ტყეში დააბრუნეს.

წიგნის კითხვის დღესთან დაკავშირებით, ხვალ, 5 თებერვალს, კახეთის რეგიონში სხვადასხვა ღონისძიებები გაიმართება

ღონისძიებები კახეთის ორ მუნიციპალიტეტში- ყვარელსა და საგარეჯოში გაიმართება, რომელშიც მონაწილეობას მიიღებენ: სახალხო პოეტები,ფოლკლორული ჯგუფები, მსახიობები, საჯარო სკოლის პედაგოგები და მოსწავლეები.

ღონისძიებების ჩატარების დრო და ადგილი:

12:00 სთ. ყვარელი, ილია ჭავჭავაძის სახელმწიფო მუზეუმი.

 თელავში “ელიტ ელექტრონიქსის” მაღაზია გაქურდეს

თელავში “ელიტ ელექტრონიქსის” მაღაზია გაქურდეს. შემთხვევა წუხელ, დაახლოებით ღამის სამ საათზე მოხდა.

ჩვენი  ინფორმაციით, მაღაზიიდან ძვირადღირებული რამდენიმე ნივთია  წაღებული.

ამ დროისთვის არ არის ცნობილი, რა რაოდენობის ტექნიკის წაღება შეძლეს მძარცველებმა.

როგორც ჩვენთვის ცნობილია, ამოღებულია სათვალთვალო ვიდეო კამერებიდან ჩანაწერები, რომელთა შესწავლა უკვე მიმდინარეობს. პოლიცია მძარცველებს ამ დრომდე ეძებს.

საქმეზე გამოძიება ქურდობის მუხლით დაიწყო.

მოწოდებით, ,,წაიკითხეთ წიგნებიო,უკეთესად იქნებიო”-2019 წლის 5 თებერვალს , თელავის ისტორიული მუზეუმი უერთდება საერთაშორისო ინიციატივას ,,წიგნის საჯაროდ კითხვის მსოფლი დღე”

„წიგნის საჯაროდ კითხვის მსოფლიო დღე“ მსოფლიოში ცნობილი ღონისძიებაა და მას ყოველწლიურად მსოფლიოს 100-ზე მეტ ქვეყანაში აღნიშნავენ. ღონისძიებაში მონაწილეთა რაოდენობა 31 მილიონამდე აღწევს.

აღნიშნულ დღესთან დაკავშირებით, თელავის ისტორიული მუზეუმში აქტივობებს აანონსებს და 14:00 საათიდან, სხვადასხვა თაობის წარმომადგენლებს იწვევს.

როგორც მუზეუმში აცხადებენ, მათი დიდი სურვილია ბევრმა ადამიანმა გამოთქვას სურვილი და ერთად შეუერთდნენ ამ არაჩვეულებრივ აქციას, რათა მათი თქმით, კიდევ ერთხელ  ხელი შეეწყოს  წიგნის პოპულარიზაციას.