გურჯაანის მუნიციპალიტეტის მერიაში მოქმედ „ქალთა ოთახში“ ნევროლოგიისა და ნეიროფსიქოლოგიის ინსტიტუტიდან მოწვეულმა ექიმმა-ნევროლოგებმა 3-6 წლამდე ასაკის ბავშვებისთვის უფასო კონსულტაციები ჩაატარეს.

დედოფლისწყაროს მუნიციპალიტეტის მერმა ნიკოლოზ ჯანიაშვილმა მოადგილესთან, მალხაზ მერაბიშვილთან ერთად წნორი-დედოფლისწყარო-ქვემო ქედის საავტომობილო გზის სამშენებლო სამუშაოები დაათვალიერა.

ყვარლის მუნიციპალიტეტის მერმა როსტომ სესიაშვილმა, საკრებულოს თავმჯდომარემ დავით ქევხიშვილმა, მერიისა და საკრებულოს თანამშრომლებმა, პარლამენტში რეგიონული პოლიტიკისა და თვითმმართველობის კომიტეტის თავმჯდომარესთან ზაზა გაბუნიასთან და ლაგოდეხისა და ყვარლის მაჟორიტარ დეპუტატთან გურამ მაჭარაშვილთან ერთად დაათვალიერეს ს. ზინობიანის გზის მოხრეშვითი სამუშაოების პროცესი.

ახმეტის მუნიციპალიტეტის „სოციალური პაკეტით განსაზღვრული დახმარების მსურველ პირთა განცხადებების განმხილველი კომისიის“ მიერ მოქალაქეთა განცხადებების შესწავლისა და განიხილვის შედეგად 777 ბენეფიციარს სხვადასხვა სამედიცინო მომსახურება დაუფინანსდა. აღნიშნული სამედიცინო მომსახურებების დასაფინანსებლად გახარჯულმა თანხამ ახმეტის მუნიციპალიტეტის მერიის ბიუჯეტიდან 212 238 ლარი შეადგინა.

სოფელ ჭაბუკიანში სასოფლო-სამეურნეო სავარგულებამდე მისასვლელი გზის კაპიტალური რეაბილიტაცია მიმდინარეობს. გზის მონაკვეთი 2700 მეტრია და სამუშაობის შესრულების პროცესში 4000 მ3 ქვიშა-ხრეშოვანი მასალა იქნება შეტანილი. სოფელ ჭაბუკიანის, გვიმრიანის, ქვემო ნაშოვარის მოსახლეობას მოეხსნება უდიდესი პრობლემები და შეძლებენ შეუფერხებლად საკუთარ ნაკვეთებთან მისვლას და მოსავლის ტრანსპორტირებას. საერთო ჯამში 2018 წელს სავარგულებამდე მისასვლელი ათ კილომეტრზე მეტი გზა იქნება რეაბილიტირებული.