მიუხედავად იმისა, რომ აზერბაიჯანში სპეციალური საკარანტინო რეჟიმი გახანგრძლივდა და აზერბაიჯანის სახმელეთო საზღვარი 1-ელ ივლისამდე ჩაკეტილი იქნება, 1-ელ მაისს ბაქო-თბილისის მატარებლის აღდგენა, დღეის მდგომარეობით ძალაშია. ამის შესახებ bm.ge-ის საქართველოს რკინიგზაში განუცხადეს.
“ბაქო-თბილისი- ბაქო სამგზავრო მიმოსვლის აღდგენასთან დაკავშირებით მიმდინარეობს სამუშაო პროცესი, რომელიც მოიცავს მოლაპარაკებებსა და ტექნიკური დეტალების დაზუსტებას როგორც სარკინიგზო ადმინისტრაციებს შორის, ასევე საკითხთან დაკავშირებულ ორივე ქვეყნის შესაბამის უწყებებთან. მხარეები ინტენსიურად მუშაობენ და მიმოსვლის აღდგენის აქამდე დაანონსებული სავარაუდო თარიღი, 1 მაისი, დღეის მდგომარეობით ძალაშია”, – წერს რკინიგზა.
კობახიძე ალიევს მადლობას უხდის ბაქო-თბილისის სამგზავრო მატარებლის აღდგენისთვის
