ყვარლის მუნიციპალიტეტის მერის პირველი მოადგილე ვალერი გოქსაძე სიღნაღის საერთაშორისო თეატრალური ფესტივალის ფარგლებში გამართულ სპექტაკლს – “უკანასკნელი თოლია” დაესწრო.
ყვარლის კოტე მარჯანიშვილის სახელობის სახალხო თეატრში სპექტაკლი საქართველოს ტექნიკური უნივერსიტეტის თეატრ-სტუდია “მოდინახემ” წარადგინა.
წელს, სიღნაღის საერთაშორისო თეატრალურ ფესტივალში რვა ქართული და ოთხი უცხოური თეატრალური დასი მონაწილეობს – თურქეთიდან, რუმინეთიდან, არაბთა გაერთიანებული საამიროებიდან და აზერბაიჯანიდან.
ფესტივალის მიზანი ქვეყანაში სამოყვარულო და სახალხო თეატრების მხარდაჭერაა. სპექტაკლების პარალელურად, საერთაშორისო ფესტივალის ფარგლებში მასტერკლასები მიმდინარეობს, რომლის ფარგლებშიც ახალგაზრდები სასცენო ხელოვნებას ეუფლებიან.
