ყვარლის მუნიციპალიტეტის მერიის ორგანიზებით, სასპორტო სკოლის დარბაზში, ავტოკატასტროფაში ტრაგიკულად დაღუპული ახალგაზრდების – აჩიკო აჯიაშვილის, გიორგი თავგორაშვილისა და გურამ ბაღაღოშვილის ხსოვნისადმი მიძღვნილი მინი ფეხბურთის რაიონული ტურნირი გაიმართა.
ტურნირს ყვარლის მუნიციპალიტეტის მერი გივი ზაუტაშვილი მოადგილეებთან ერთად დაესწრო.
შეჯიბრში 12 გუნდი მონაწილეობდა. I ადგილი დაიკავა თელავის მუნიციპალიტეტის გუნდმა, II ადგილზე – სოფელ საბუის გუნდი, ხოლო III ადგილზე ყვარლის გუნდი გავიდა.
საპრიზო ადგილების მფლობელებს სიგელები, მედლები და თასები გადაეცათ.
