ყვარელში, 25 წლამდე კაცს თავის და სხეულის სხვადასხვა არეში ბლაგვი საგნით დაზიანებები მიაყენეს. შემთხვევა დააახლოებით 2 საათის წინ მოხდა. არსებული ინფორმაციით, სუფრაზე ოჯახის წევრებს შორის სიტყვიერი დაპირისპირება მოხდა, რომელიც ეზოში გაგრძელდა.
სტუმრად მყოფ სიძის ძმას ერთ-ერთმა სუფლის წევრმა თავის არეში რამდენჯერმე დაარტყა. მიყენებული დაზიანებით სასწრაფო დახმარების ბრიგადამ პაციენტი უგონო მდგომარეობაში თელავის რეფერალურ საავადმყოფოში მოათავსა.
ექმიების თქმით, მისი ჯანმრთელობის მდგომარეობა სტაბილურად მძიმეა. მომხდარზე დაწყებულია გამოძიება.