სასკოლო სპორტული ოლიმპიადის ფარგლებში, განათლების, კულტურის, სპორტისა და ახალგაზრდულ საქმეთა სამსახურის ორგანიზებით, ქ. ყვარელში, “ილიას ტბაზე”, რეგიონული შეჯიბრი გაიმართა მინი ფეხბურთში.
ვაჟთა კატეგორიაში I ადგილი დაიკავა ლაგოდეხის მუნიციპალიტეტის სოფ. ლელიანის საჯარო სკოლამ, ხოლო II ადგილზე გავიდა სოფ. გავაზის საჯარო სკოლა.
გოგონებს შორის I ადგილი დაიკავა დედოფლისწყაროს მუნიციპალიტეტის სოფელ ფიროსმანის საჯარო სკოლამ, ხოლო II ადგილზე გავიდა ახმეტის მუნიციპალიტეტის საჯარო სკოლა.
შეჯიბრში გამარჯვებულ მონაწილეებს სიგელები და თასები გადაეცათ.
