უამინდობის გამო, ვაზიანი-გომბორი-თელავის მიმართულებით ტრანსპორტის მოძრაობა ნაწილობრივ აიკრძალა.
კახეთის საგზაო სამმართველოში განმარტავენ, რომ აღნიშნულ მონაკვეთზე ძლიერი ქარბუქია, ამიტომ ავტომობილებით გადაადგილების დროებით შეზღუდვის გადაწყვეტილება მიიღეს.
უღელტეხილზე გართულებულია ხილვადობაც, თუმცა ადგილზე მობილიზებულია მძიმე ტექნიკა და გზის გაწმენდის სამუშაოები მიმდინარეობს.
შუამთის მონაკვეთთან საპატრულო პოლიცია მორიგეობს და ავტომობილების გადადგილებას აკონტროლებს.
