სიღნაღის მუნიციპალიტეტში აქტიურად მიმდინარეობს საგზაო ინფრასტრუქტურის მოწყობა.
სოფლების, ძველი ანაგა-ტიბაანის დამაკავშირებელი გზის რეაბილიტაცია გრძელდება.
პროექტი 3088 მეტრზე ცემენტო-ბეტონის დაგებას, სანიაღვრის, მიმდებარე ეზოების შესასვლელების მოწყობას ითვალისწინებს. დღეის მდგომარეობით მიმდინარეობს მილხიდის მოწესრიგებითი სამუშაოები.
გზის რეაბილიტაცია რეგიონული განვითარების ფონდიდან ფინანსდება და მისი ღირებულება 2 280 822 ლარია.
