„ ორიენტირებულები ვართ პაციენტებზე და არა კომერციაზე“ -ალექსანდრე ხუმარაშვილი

როდესაც დალაი ლამას კითხეს თუ რა აოცებდა მას ყველაზე მეტად მან უპასუხა:
– ადამიანი!
ის სწირავს თავის ჯანმრთელობას რომ გამოიმუშავოს ფული,
შემდეგ ის სწირავს ფულს რათა დაიბრუნოს ჯანმრთელობა.
მას ისე ანაღვლებს მომავალი, რომ აწმყოსგან სიამოვნებას ვერ ღებულობს,
ის ცხოვრობს ისე თითქოს არასოდეს მოკვდება
და ბოლოს ის კვდება ისე თითქოს არასოდეს უცხოვრია…

უკვე ნახევარ საუკუნეზე მეტია თელავის ცენტრალური საავადმყოფო ერთ–ერთი მულტიპროფილური ჰოსპიტალია კახეთის რეგიონის მასშტაბით, სადაც უმაღლეს პროფესიონალურ დონეზე ურთულესი ოპერაციები ტარდება. სტაციონარში უწყვეტად ფუნქციონირებს დიაგნოსტიკური, სამკურნალო და სხვა სამედიცინო სერვისები. სამედიცინო დაწესებულება უზრუნველყოფს გადაუდებელ დახმარებას ნებისმიერი მიმართულებით და პაციენტების მკურნალობას ადგილობრივ ექიმებთან ერთად თბილისიდან მოწვეული სპეციალისტებიც ახორციელებენ.
საავადმყოფოს ზოგად ქირურგიის განყოფილებაში კეთდება როგორც გეგმიური, ასევე მწვავე, მათ შორის, ჩიყვის ოპერაციები. ქირურგიული განყოფილების ხელმძღვანელის ალექსი ხუმარაშვილი ამბობს, რომ ლიგაშუმა მეთოდმა საოპერაციო დროც შეამცირა და პაციენტთა ჯანმრთელობის დონეც გაზარდა

-XXI საუკუნეში ჯანმრთელობის მხრივ ყველაზე გავრცელებული ქირურგიული პროფილით ნაღვლის ბუშტი,თიაქრები,მწვავე მუცელი და განსაკუთრებულად კი ჩიყვი აღინიშნება. თუმცა ამ ბოლო დროს ძალიან გახშირდა პანკრეატიტების შემთხვევა, რაც ცხოვრების სტილთან და კვებით რეჟიმზეა დამოკიდებული. სამწუხაროდ ადამიანები საკუთარ ჯანმრთელობას წლების მანძილზე ვერ აქცევენ ყურადღებას, და უკვე გართულებული ჯანმრთელობით მოდან სტაციონარში. ამიტომ მათთვის ქირურგიული ჩარევა აუცილებელი და გადაუდებელია. ყველამ უნდა ვიცოდეთ რომ, რაც უფრო მეტად ვწევთ შემდეგი დღისათვის ოპერაციის გაკეთებას, მით უფრო მეტად ვავნებთ ჯანმრთელობას და ჩვენს ორგანიზმს პირდაპირ, სტრესის წინაშე ვაყენებთ.
-პანკრეატიტის პრობლემას გამომწვევი მიზეზები უფრო რა არის ?
-პანკრეატიტის გამომწვევი მიზეზები რამდენიმე არსებობს. ძირითადად არის კვებითი რეჟიმი, ცხოვრების სტილი და სტრესი. ასევე მიზეზია დიდი რაოდენობით ცხიმის და ალკოჰოლის მიღებაც.
-როგორ გამოვლინდება ?
– ამას აქვს თავისი სუბიექტური და ობიექტური მიზეზები,ძირითადად ლაბორატორიული კვლევა გვაძლევს პასუხს რა სჭირს პაციენტს.
-მეც რომ არ დაგიმალოთ ძალიან მეშინოდა ოპერაციის გაკეთების. ეს ქირურგიული ფობია, ფაქტია არსებობს. თუ არსებობს მკურნალობის სხვა ფორმა და არა ოპერაცია?
-პანკრეატიტზე ოპერაცია კეთდეა იშვიათად. თუ საოპერაციო გახდა პაციენტი, მისი გადადება აღარ შეიძლება, არანაირად არ უნდა მოვერიდოთ მკურნალობის და ქირურგიული ჩარევის გადადებას. რადგან დაგვიანების შემთხვევაში ხშირია გართულებები და სამწუხაროდ სიკვდილიანობა.
რაც შეეხება ე.წ. ოპერაციისადმი ფობიას დავიწყოთ იმით, რომ თელავის ცენტრალურ საავადმყოფოს ყველაზე მდიდარი გამოცდილება აქვს. განსაკუთრებით ქირურგიული პროფილის მხრივ. ეს ერთგვარი სკოლაა, რომელიც 60-იანი წლების მერე ყალიბდებოდა და ჩამოყალიბდა. საავდმყოფო ყოველ დღე იზრდება კვალიფიკაცია ყოველ დღე იმატებს, და რაც მთავარია ყველა სიახლე რაც არსებობს ამ ქვეყანაში არსებობს ჩვენთანაც. ეს ერთი, განსაკუთრებით ლაპორასკოპიული ოპერაციები კეთდება ჩვენთან ხშირად. ეხლა ვიწყებთ თიაქარ-კვეთებას ლაპორასკოპიული მეთოდით. გვაქვს აპარატი, რომელსაც ქვია ლიგაშო. ამ აპარატით უნაკეროდ კეთდება ოპერაციები რომელიც, ანახევრებს ოპერაციის დროს. ლიგაშოს აპარატი ასევე ბუასილზეა ძალიან კარგი. სულ რამდენიმე კლინიკაში კეთდება კახეთში და ერთ-ერთი ჩვენთან. მალე ონკოლოგიური, და გულმკერდის ქირურგიის კუთხით დავიწყებთ უახლოეს პერიოდში მუშაობას.

ერთი რაც ყველაზე ცუდია-მედიცინა გახდა კომერცია საქართველოში, ჩვენთან ძველი ტრადიციებია შემორჩენილი,ორიენტირებულები ვართ პაციენტებზე. სხვა საავადმყოფოებთან შედარებით, ჩვენთან გაცილებით კარგი სიტუაციაა ამ მხრივ.
-და ბოლოს მაინც რას ეტყოდით თქვენს მომავალ პაციენტებს?
-სოკრატე ამბობდა : ჯანმრთელობა ყველაფერი არ არის, მაგრამ ყველაფერი ჯანმრთელობის გარეშე – არაფერია!