თაფლი მდიდარია საკვები ნივთიერებებით – შეიცავს უამრავ ანტიოქსიდანტს, ვიტამინს, პრობიოტიკებს, ამინომჟავებს, მინერალებს და ფერმენტებს, რაც მას შეუცვლელ პროდუქტად აქცევს. მავნე ბაქტერიების აღმოსაფხვრელად არ არის საჭირო თაფლის გაცხელება, რადგან მისი უმი ჭამა უკვე უსაფრთხოა.
გაცხელებისას თაფლის შემადგენლობა იცვლება, ინგრედიენტების ეფექტურობა სუსტდება. თუმცა, თაფლი არ ხდება ტოქსიკური.
მიუხედავად იმისა, რომ გაცხელებისას თაფლი არ გადაიქცევა მავნე საკვებად, ის კარგავს თავის სასარგებლო თვისებებს. თუმცა, ეს დამოკიდებულია ტემპერატურაზე. მაგალითად, სკაში ფუტკარი ინარჩუნებს 30-35°C ტემპერატურას. ამიტომ თაფლის დაახლოებით ამ ტემპერატურაზე გაცხელება ნორმალურია, მისი სასარგებლო თვისებები შენარჩუნდება.
- ანტიმიკრობული და ანტიბაქტერიული თვისებები.
თაფლის გაცხელებისას მასში ნადგურდება ისეთი ფერმენტები, როგორიცაა ინვერტაზა და დიასტაზა – ისინი ხელს უწყობენ საჭმლის მონელებას და შაქრის დაშლას. გლუკოზის ოქსიდაზა, ფერმენტი, რომელიც ეხმარება ორგანიზმს ბაქტერიებისა და ვირუსების წინააღმდეგ ბრძოლაში, ასევე იკარგება. იგი გამოიმუშავებს წყალბადის ზეჟანგს, რომელიც თავის მხრივ მოქმედებს როგორც სადეზინფექციო საშუალება.
- თაფლი კარგავს ანტიოქსიდანტურ თვისებებს.
ანტიოქსიდანტები არის ნივთიერებები, რომლებიც იცავს უჯრედებს თავისუფალი რადიკალებისგან, რომლებიც გარკვეულ როლს თამაშობენ გულის დაავადებების, კიბოს და სხვა დაავადებების განვითარებაში.
ანტიოქსიდანტების წყალობით თაფლი ხელს უწყობს ორგანიზმში მავნე რადიკალების მოქმედების განეიტრალებას. თაფლის ერთ-ერთი მთავარი ანტიოქსიდანტია პოლიფენოლები – ისინი ამცირებენ მძიმე ქრონიკული დაავადებების, მათ შორის კიბოს რისკს და ხელს უწყობენ ანთების თავიდან აცილებას.
მაშ საზიანოა თუ არა თაფლის გაცხელება?
თაფლის გაცხელება არ არის საზიანო – ის არ ხდება ტოქსიკური და არ იწყებს მავნე ნივთიერებების გამოყოფას. თუმცა, თაფლში შემავალი საკვები ნივთიერებები ნადგურდება გადაჭარბებული ტემპერატურის შედეგად.
