ყავა მყარად დამკვიდრდა თანამედროვე ადამიანის ცხოვრებაში, მაგრამ რამდენად სასარგებლოა მთელი დღე მისი მიღება და როგორ მოქმედებს ყავის დანამატები ორგანიზმზე?
ყავის მიმართ საკვების მსგავსი დამოკიდებულება უნდა გვქონდეს. თითოეული დამატებითი ინგრედიენტი, რომელსაც ყავის სმის რიტუალში ჩავრთავთ, მას კალორიულობას მატებს და შეიძლება, ზედმეტი კილოგრამებიც შეგვმატოს. ყავას მარტივად ვაყოლებთ ნებისმიერ საკვებს, სინამდვილეში კი, ფინჯანი ლატე დამატებით 120 კალორიას გვძენს.
სუნელები
დარიჩინი, კარდამონი და სხვა დანამატები ყავას უჩვეულო და საინტერესო გემოს აძლევს. მაგრამ რამდენად საფრთხილოა ისინი დამატებითი კალორიების თვალსაზრისით? აქ არაფერია საშიში, რადგან სუნელები ბევრ კალორიას არ შეიცავს. თუ შავ ყავას შაქრის გარეშე, დარიჩინის დამატებით დავლევთ, ეს წელის გარშემოწერილობისთვის საშიში არაა. მაგრამ, ჩვეულებრივ, სუნელებს უმატებენ რძიან ყავას, რასაც რამდენადმე განსხვავებული კალორაჟი აქვს. ყავას შეიძლება დაუმატონ რამდენიმე წვეთი ლიმონის წვენიც.
ყავის ყველაზე ტრადიციული დანამატებია: რძე, ნაღები, შაქარი და სიროფი. კალორაჟის შესამცირებლად ნაღები და რძე სჯობს. საუკეთესო ვარიანტია შავი ყავა შაქრის გარეშე.
თუ ძალიან გვინდა ყავა, მაგრამ ფიგურაზეც ვზრუნავთ და მხოლოდ შავი ყავა არ მოგვწონს, მაშინ ყავას დავამატოთ სუნელები ან ლიმონის წვენი, რომელიც რამდენადმე შეარბილებს გემოს.
ჩვეულებრივი რძის მცენარეულით შეცვლა კალორიულობის თვალსაზრისით არაფერს შეცვლის, რადგანაც მცენარეული რძე ჩვეულებრივზე არანაკლებ კალორიულია. ფიგურის შესანარჩუნებლად არჩევანი რძესა და შაქარს შორის, რძეზე გააკეთეთ. თუმცა უნდა გახსოვდეთ, რომ ეს იქნება საკვების მიღების ეკვივალენტი.
კიდევ ერთი საშიშროება ისაა, რომ ყავას ხშირად ტკბილეულს აყოლებენ, მაგალითად, კრუასანს, ფუნთუშას ან კანფეტებს.
ყავის დიდი რაოდენობით მიღება მთელი რიგი ვიტამინების ათვისებას უშლის ხელს. მაგალითად, პრობლემები შეიძლება შეიქმნას თუთიის, В ჯგუფის, კერძოდ, В1 და В6 ვიტამინების შეწოვისას. ჯობს შემოვიფარგლოთ დღეში 1-2 ფინჯანი ყავის მიღებით, დღის პირველ ნახევარში, რადგანაც ყავა მაინც მასტიმულირებელი სასმელია.
