ილონ მასკი მსოფლიოს უმდიდრესი ადამიანი აღარ არის. ამის შესახებ BBC წერს.
გამოცემა, Forbes-ისა და Bloomberg-ის ინფორმაციაზე დაყრდნობით ავრცელებს, რომ მასკს ფრანგული ფუფუნების საგნების ბრენდის, LVMH-ის აღმასრულებელმა დირექტორმა, ბერნარ არნომ გადაუსწრო.
Forbes-ის თანახმად, ილონ მასკის ქონება ახლა, დაახლოებით, $178 მილიარდია, ხოლო არნოსი $188 მილიარდი.
მიუხედავად იმისა, რომ წლის განმავლობაში LVMH-ის აქციების ფასი ძირითადად უცვლელი იყო, მილიარდერთა სიაში Tesla-სა და SpaceX-ის დამფუძნებელი, ილონ მასკი ჩამოქვეითდა, რაც Tesla-ს აქციების ფასის კლებამ გამოიწვია.
Tesla-ს აქციების ფასის დაცემის გამომწვევ მიზეზად ილონ მასკის მიერ Twitter-ის $44 მილიარდად ყიდვასა და თანმდევ სკანდალს ასახელებენ, რომელმაც მასკის ბრენდს ზიანი მიაყენა.
